Harta me Kosovën si pjesë e Serbisë në aktivitetin e qeverisë, Rama fajëson mediat: Kinse patriotë

Në një kohë që në të gjithë botën po lobohet fort që Kosova të njihet si shtet i pavaraur edhe nga ato vende që se kanë bërë ende një gjë të tillë, në Shqipëri në një aktivitet të organizuar nga Ministria e Turizmin, nën kujdesin e ministres Mirela Kumbaro, Kosova paraqitet në hartë si pjesë e Serbisë.

Por për kryeminsitrin Edi Rama nuk përbën aspak shqetësim që në mes të Shqipërisë në nëj aktivitet qeveritar Kosova shfaqet si pjesë e Serbisë, për të problem janë mediat që e denoncojnë një gjë të tillë.

Lexo edhe: https://albeu.com/lajme/kosova-pjese-e-serbise-skandali-me-harten-kumbaro-dhe-balluku-mendojne-ndryshe-nga-shteti-shqiptar/495269/

Sipas kryeministrit Edi Rama kombin shqiptar nuk e gjeti asgjë e keqe se në 1 minutë u shfaq një hartë ku Kosova ishte territor i serbisë, pasi sipas tij Shqipëria nuk është Irani dhe se nuk mund të kontrollojë çdo prezantim që shfaqet në aktivitete të tilla.

Kinse patriotët kanë gjetur punë sot duke u marrë me një hartë të prezantimit të presidentit të gjigandit spanjoll Melia Group në konventën e turizmit, ku mungonte Kosova!Dihet që Spanja ashtu e ka hartën e rajonit po asgjë e keqe s’i erdhi kombit nga dalja 1 minutë e asaj harte!

Shqipëria s’është Irani ku të ftuarve në konferenca ndërkombëtare u kontrollohen prezantimet dhe as konventa s’ishte sheshbeteja diplomatike për njohjen e Kosovës nga Spanja! E keqja kombit tonë i vjen bash nga ata që merren tërë ditën me kësi luftrash pa lidhje mes shqiptarësh!”, shkruan Rama.

Mbase në një kohë normale edhe “mund” të mos ishte problem kjo gafë e madhe e shtetit shqiptar për ta lejuar diçka të tillë, por sot po, pasi në Hagë janë duke u gjykuar krerët më të lartë të UÇK-së, drejtuesit e asaj ushtrie që derdhi gjak për lirinë e Kosovës nga pushtimi serb.

Për kreun e qeverisë mbrojtja e territoreve qoftë edhe në një hartë çfarëdo mund të jetë “luftë me mullinjtë e erës” por për patriotët e vërtetë kjo është detyrë e përditshme.

/Taulant Halili/AlbEu.com/


Shtuar 5.04.2023 17:26