Gjykata në Bjellorusi ka falur Roman Protasevych, një nga themeluesit e kanalit NEXTA që kritikon ashpër Alexander Lukashenko dhe Vladimir Putin, njoftuan mediat ukrainase të hënën.
Në fillim të këtij muaji, Protashevic u dënua me 8 vjet burg pasi u arrestua teksa ishte në një avion, i cili u ul në tokën bjelloruse pas një alarmi për bombë në maj të vitit 2021.
Akuzat për të cilat u dënua Protasevich përfshijnë: organizimin e trazirave masive, thirrjen për sanksione kundër Bjellorusisë, krijimin ose udhëheqjen e një grupi ekstremist dhe komplotin për të marrë pushtetin.
Ai u arrestua së bashku me të dashurën e tij, shtetasen ruse Sofia Sapega, në maj 2021 pasi fluturimi i tyre nga Greqia në Lituani u devijua papritur në Minsk nga kontrolli i trafikut ajror bjellorus. Ata pretenduan se kishte një kërcënim me bombë.
Sapega u dënua me gjashtë vjet burg në maj 2022 pasi një gjykatë në Bjellorusi e shpalli fajtore për nxitje të armiqësisë sociale dhe mosmarrëveshjes.
