Macron dhe Biden diskutojnë se si të angazhojnë Kinën në paqen në Ukrainë

Presidenti francez Emmanuel Macron dhe presidenti amerikan Joe Biden kanë zhvilluar nje përpara vizitës së Macron në Pekin. Ata ranë dakord për të angazhuar Kinën për të përshpejtuar përfundimin e luftës në Ukrainë, tha të mërkurën Pallati Elysee.

“Të dy liderët kanë përmendur vullnetin e tyre të përbashkët për të angazhuar Kinën për të përshpejtuar përfundimin e luftës në Ukrainë dhe për të marrë pjesë në ndërtimin e paqes së qëndrueshme në rajon”, tha zyra e Macron në një deklaratë.

Elysee tha se Macron dhe Biden shpresonin se Kina mund të kontribuonte në përpjekjet e solidaritetit midis veriut global dhe jugut global dhe të ndërtonte një agjendë të përbashkët për klimën dhe biodiversitetin.

Macron do të vizitojë Kinën nga e mërkura deri të premten. Presidenti kinez Xi Jinping planifikon të zhvillojë bisedime me të për të përcaktuar një kurs për marrëdhëniet dypalëshe, tha më herët ministria e Jashtme kineze./Albeu.com/


Shtuar 5.04.2023 09:04