ASTIR/ U arrestuan 5 banorë, PD ka një thirrje për Policinë e Shtetit
Partia Demokratike ka reaguar pas arrestimeve të disa banorëve të “Unazës së Re”, të cilët protestuan edhe sot pasdite duke bllokuar rrugën, duke kundërshtuar projektin që prej shtëpitë e tyre.

Policia ndërhyri gjatë orëve të mbrëmjes, pasi protesta ishte shpërndarë, duke arrestuar 5 banorë.

Mes të arrestuarve është edhe një punonjës i medias, operatori i Shijak Tv, i cili po filmonte shoqërimet nga policia. Lidhur me atë që po ndodh në “Astir”, Partia Demokratike ka kërkuar përmes një deklarate që ndalet menjëherë dhuna policore.


Deklarata e plotë:

Me urdhër politik të Edi Ramës, njeriut që kishte planifikuar vjedhjen e 40 milion eurove në aferën e Unazës së Re, Policia e Shtetit po ushtron terror ndaj banorëveUnazës së Re, medias dhe përfaqësuesve politik të opozitës.


E njëjta Polici që nuk lufton krimin dhe drogën, ka mobilizuar me qindra forca me dhe pa uniformë për të arrestuar, në mënyrë të paligjshme, dhjetëra banorë të Unazës së Re, që mbrojnë shtëpitë e tyre nga shkatërrimi.

Partia Demokratike kërkon ndalimin e menjëhershëm të dhunës shtetërore ndaj banorëveUnazës së Re, ndalimin e menjehershëm të arrestimeve të paligjshme që po u bëhen burrave dhe grave të Unazës, që mbrojnë shtëpitë e fëmijeve të tyre nga babëzia e një Qeveria çnjerëzore.

Banorët e Unazës së Re nuk kanë kryer asnjë krim. Ata nuk janë vrasës, trafikantë droge apo hajdutë të pasurive publike. Ata janë njerëz të lirë, që me dinjitet dhe vendosmëri ushtrojnë një të drejtë themelore – të drejën e tubimit paqësor.

E drejta për të protestuar është themeli i një shoqërie demokratike, njohur nga Kushtetuta dhe Konventa Europiane për të Drejtat e Njeriut.

Partia Demokratike paralajmëron urdhëruesit dhe ekzekutorët e aktit banditesk të arrestimit politik të qytetarëve se do të përballen me forcën e ligjit. Në burg do të përfundojë secili prej tyre që sot u heq lirinë në mënyrë antikushtetuese protestuesve të Unazës së Re.

Përfaqësues të Partisë Demokratike kanë qenë dhe do të jenë përkrah banorëveUnazës së Re, falë protestës dhe vendosmërisë së të cilëve, u zbulua një nga aferat më të mëdha korruptive në vend.

Partia Demokratike i bën thirrje Prokurorisë që të zbatojë ligjin dhe të vërë përpara përgjegjësisë penale cdo punonjës policie, që në vend të ligjit, respekton urdhrin politik të paligjshëm të Edi Ramës.

Shtuar më 11/10/2019, ora 20:49
Shkruani komentin tuaj!
Të fundit nga kjo kategori