Thanë se kishte këngën e vjedhur, Besa hedh në gjyq "Thumb On" (FOTO LAJM)

Në edicionin 21 të "Këngës Magjike", një ndër konkurrentet ishte dhe këngëtarja e njohur Besa Kokëdhima me këngën e shkruar nga vetë ajo, të titulluar "Histori".

Mirëpo pas tërmetit të 26 Nëntorit, Besa u tërhoq nga festivali duke u shprehur se nuk ishte në gjendje të këndonte nga dhimbja e madhe. “Zemra ime eshte e ngarkuar me deshperim dhe vuajtje per ata qe nuk jane me, dhe nuk jam ne gjendje te gezoj kur me bashkekombesit e mi ka ndodhur kaq shume”, u shpreh ajo.

"Thumb On" e kanë hedhur poshtë arsyen e këngëtares, duke dhënë si arsye të vërtetë kopjimin e këngës. Ato kanë thënë se kënga ‘Histori’ është e kopjuar dhe nuk ka munguar një reagim nga Besa.

Së fundmi këngëtarja ka bërë të ditur se ka hedhur në gjyq ‘Thumb.On’ me akuzën e shpifjes.

“Nuk kam dëshirë por më duhet t’iu padis për trillimet tuaja në adresën time Thumbon! Herë tjetër matuni pak më mirë para se të përdorni hijena mediatike për sulme personale e të porositura. Suksese në jetë”, ka shkruar Besa në një postim të bërë në Instastory.

Shtuar më 10/12/2019, ora 09:50

Shkruani komentin tuaj!
Të fundit nga kjo kategori