Një i vdekur dhe një i zhdukur është bilanci i deritanshëm nga moti i keq në Itali, ku si pasojë e reshjeve intensive shumë zona janë përmbytur nga dalja nga shtrati e lumenjve.
Mediet italiane shkruajnë se në orët e para të mëngjesit sot ka dalë nga shtrati edhe lumi Lamone, në zonën e Bolonjës, ku një burrë i cili po lëvizte me biçikletë u mor para nga uji e për pasojë vdiq.
Pak kilometra më tutje është shembur një godinë dhe ka një person të zhdukur. Ekipet e shpëtimit po përpiqen për gjetjen e tij.
Gjashtëdhjetë familje janë evakuuar nga shtëpitë e tyre, për arsye parandaluese, ndërsalinja e trenave në Bolonja dhe Ferrara është pezulluar./albeu.com/