Lajçak e konfirmon: Takimi i ardhshëm në kuadër të dialogut zhvillohet në Ohër

Emisari i BE-së, Miroslav Lajçak ka zhvilluar një takim me zëvendëskryeministrin e Maqedonisë së Veriut për Çështje Evropiane, Bojan Marichikj.

Ai konfirmoi se takimi i radhës në kuadër të dialogut Kosovë-Serbi do të zhvillohet në Ohër të Maqedonisë së Veriut.

“Pata një takim të shkëlqyer me zëvendësin Marichikj. I jam mirënjohës Maqedonisë së Veriut për mbështetjen e fortë ndaj Dialogut dhe mezi po e pres më vonë këtë muaj takimin e radhës të Dialogut në Ohër. Diskutuam gjithashtu çështje thelbësore për të ardhmen e Maqedonisë së Veriut në Bashkimin Evropian”, ka shkruar Lajçak.

/Albeu.com


Shtuar 2.03.2023 17:41