Rumuni tenton të kalojë mbi 18 mijë paund të padeklaruara në Shqipëri, ndalohet në Rinas

Një 32-vjeçar nga Rumania u ndalua sot nga policia në aeroportin e Rinasit, pasi nuk deklaroi në kufi shumën e 18.500 paundëve që kishte me vete.

Gjatë kontrollit fizik të shtetasit rumun A. C iu gjetën paratë të cilat ai nuk i kishte deklaruar në kufi, siç e përcakton ligji.

Shuma e parave u sekuestrua në cilësinë e provës materiale.

Njoftimi i Policisë

Rinas/Goditet një tjetër rast i mosdeklarimit të të hollave në kufi. Sekuestrohen si rezultat i kontrolleve të shtuara nga Policia Kufitare, 18 500 paund.

Procedohet penalisht 32-vjeçari (shtetas rumun) që nuk i deklaroi në kufi, siç e përcakton ligji. Shërbimet e Policisë Kufitare Rinas, në vijim të kontrolleve të shtuara, të bazuara në analizën e riskut, për evidentimin dhe goditjen e paligjshmërive, në hyrje të RSh-së, kanë kaluar në vijën e dytë, për kontroll të detajuar, shtetasin rumun A. C.

Gjatë kontrollit fizik, këtij shtetasi iu gjetën 18 500 paund të cilat ai nuk i kishte deklaruar në kufi, siç e përcakton ligji.

Shuma e parave u sekuestrua në cilësinë e provës materiale.

Materialet procedurale u referuan në Prokurori, në ngarkim të shtetasit rumun A. C., 32 vjeç, banues në Angli, për veprën penale “Mosdeklarimi në kufi i të hollave dhe i sendeve me vlerë”./albeu.com/