Një konflikt ka ndodhur ditën e sotme mes dy të miturve në Tiranë.
Ngjarja ka ndodhur në zonën e njohur si “5 Maji”, ku të miturit janë përplasur me njëri-tjetrin.
Mësohet se një prej tyre është shoqëruar në komisariat, ndërsa njëri ka mbetur i lënduar dhe është dërguar në spital për të marrë ndihmë mjekësore.
Ndërkohë, policia po punon për zbardhjen e plotë të rrethanave të ngjarjes.
Njoftimi:
Tiranë/Informacion paraprak
Më datë 10.06.2023, rreth orës 19:20, në rrugën “5 Maji”, janë konfliktuar dy të mitur të moshës 14 vjeç.
Si pasojë njëri prej tyre është dëmtuar dhe ndodhet në spital, nën kujdesin e mjekëve, ndërsa tjetri është shoqëruar në komisariat për veprime të mëtejshme procedurale.
Gjatë kontrollit të njërit prej të miturve është gjetur një pajisje elektroshok.
Grupi hetimor po punon për sqarimin e rrethanave të ngjarjes.
