Punime në Bypass-in e Fierit, ARRSH njofton devijimin e trafikut në rrugën e vjetër

Autoriteti rrugor shqiptar njofton se për shkak të punimeve që do të kryhen për rehabilitimin e mbikalimit në kilometrin 18 të Bypass-it të Fierit, do të devijohet trafiku në rrugën e vjetër Fier-Vlorë.

Kjo ndërhyrje do të fillojë ditën e nesërme, datë 26.04.2023, ora 09:00 dhe do të zgjasin përreth 4 orë.

Në bashkëpunim me Policinë e Qarkullimit Rrugor, janë marrë masat për devijimin e trafikut sipas Planit të Menaxhimit të Trafikut, si dhe vendosjen e sinjalistikës provizore për të orientuar përdoruesit e rrugës.

“Kërkojmë mirëkuptimin e banorëve dhe përdoruesve të rrugës për këtë ndërhyrje që po kryhet në këtë aks”, njofton ARRSH./albeu.com/


Shtuar 25.04.2023 14:57