Gjatë natës, në qarkun e Korçës, ka pasur reshje shiu dhe dëbore me intensitet deri mesatar.
Në rrugën e Dardhës ka pasur reshje dëbore nga kilometri i 5-të deri në kilometrin e 14-të. Trashësia e dëborës varion nga 5 cm -10 cm.
Në segmentin rrugor Qafa e Qarrit, aksi Korçë-Ersekë ka pasur gjithashtu reshje dëbore dhe trashësia shkon nga 3cm deri në 7cm.
Në rrugën Korçë-Voskopojë ka pasur reshje shiu dhe dëborë e shkrirë. Është punuar me mjete borëpastruese për pastrim dhe kriposje.
Në akset rrugore nacionale dhe turistike, nuk ka probleme dimërore në rrugë.
