Një çift bashkëshortësh në fshatin Blacë, Pogradec, kanë përfunduar në spital pasi dyshohet se aksidentalisht kanë konsumuar lëndë kimike (herbicid).
Mësohet se B.O, 42 vjeç dhe bashkëshortja e tij V.O, 40 vjeçe, po marrin trajtimin e nevojshëm në spital ku tanimë raportohet se gjendja e tyre është e qëndrushme. Ata kanë rrëfyer se ngjarja kishte ndodhur aksidentalisht pasi e kishin ngatërruar lëndën helmuese me shishen e uthullit.
Grupi hetimor po punon për sqarimin e rrethanave të ngjarjes.