Zelensky del sërish nga Kievi, takohet me kryeministren daneze në Mykolaiv

Presidenti ukrainas Volodymyr Zelensky ka udhëtuar në rajonin jugor të Ukrainës, Mykolaiv, për të takuar kryeministren daneze Mette Frederiksen.

Videoja e postuar në internet nga zyra e Zelensky tregonte atë duke përshëndetur Frederiksen me një shtrëngim duarsh në një rrugë me borë, përpara se të hynin në një spital për të takuar ushtarët e plagosur në pushtimin rus.

“Është e rëndësishme që luftëtarët tanë të jenë në gjendje t’i nënshtrohen rehabilitimit jo vetëm fizik, por edhe psikologjik”, shkroi Zelensky në aplikacionin e mesazheve Telegram.

“I jam mirënjohës të gjithë punonjësve mjekësorë që kujdesen për shëndetin e mbrojtësve tanë. Uroj shërim të shpejtë!”, shtoi ai.

Në fillim të këtij muaji, ministria e mbrojtjes e Danimarkës njoftoi se vendi do t’i dhuronte Ukrainës 19 sisteme artilerie “Caesar” të prodhimit francez.

Në postim ai tha se u takua gjithashtu me zyrtarë rajonalë për të diskutuar ndikimin e sulmeve me raketa dhe dron ruse.

“Ne … rishikuam gjendjen e infrastrukturës energjetike të rajonit, mjetet e mbrojtjes së saj dhe ritmin e rimëkëmbjes. Ne diskutuam situatën operacionale në jug të Ukrainës, pasojat e sulmeve me raketa dhe dron të Rusisë”, tha ai.


Shtuar 30.01.2023 14:35