Në Malin e Zi kanë përfunduar zgjedhjet e parakohshme parlamentare, ndërsa janë publikuar edhe rezultatet e para.
Sipas projeksioneve të publikuara nga mediat në Malin e Zi, Lëvizja Evropa Tani ka fituar 25.5 për qind të votave. Ky rezultat bazohet në 60.5 për qind të kampionit të përpunuar.
Koalicioni “Së bashku” (DPS-SD-LP-DUA) ka fituar 23.2 për qind, koalicioni “Për të ardhmen e Malit të Zi” 15.5, koalicioni “Hrabro se broji” Demokratët dhe URA e drejtuar nga Dritan Abazoviç 12.5 për qind.
Partia boshnjake ka shtatë për qind, SNP dhe Demos 3.5 për qind.
Sipas mediave të huaja, kanë votuar 56.4% votues, rreth 18% më pak se në vitin 2020.
