Kukan: Procesi zgjedhor ka dëmtuar Shqipërinë
Kolegji Zgjedhor në Shqipëri të marrë vendime të mbështetura në ligj, këtë thirrje bëri sot kreu i Delegacionit të Parlamentit Europian për Europën-Juglindore Eduart Kukan.

Kukan theksoi se nëse ka paqartësi dhe çështja nuk zgjidhet nga Kolegji Zgjedhor ai rekomandoi që ti drejtohen institucioneve ndërkombëtare si Komisionit të Venecias.

“Ekspertë ligjorë dhe ekspertë të Kolegjit Zgjedhor duhet të marrin vendime të mbështetura në ligj dhe nëse ata kanë paqartësi, mund t’u drejtohen institucioneve ndërkombëtare, ndoshta Komisionit të Venecias, që ka profesionistë të vërtetë. Ne po i bëjmë thirrje këtij Kolegji të ndjekë procedura profesionale, transparente dhe të marrë vendime të pavarura nga politika. Mendoj që institucionet ndërkombëtare mund të ndihmojnë në garantimin e marrjes së vendimeve nga Kolegji Zgjedhor, vendime që duhet të jenë në përputhje me ligjin dhe të pavarura", tha Kukan.

Më tej Kokan ka thënë në një intervistë për Në radion “Deutche Welle” se prishja e integritetit të procesit zgjedhor e ka dëmtuar shumë Shqipërinë. /albeu.com/
Shtuar më 27/05/2011, ora 15:49

Shkruani komentin tuaj!
Të fundit nga kjo kategori