Kanë nisur mitingjet përmbyllëse elektorale të zgjedhjeve të 8 majit, pas një fushate të gjatë e intensive. Dy partitë kryesore politike në Shqipëri, Partia Socialiste dhe Partia Demokratike kanë filluar mitingun përmbyllës të kësaj gare elektorale.
Partia Socialiste ka filluar mitingun e saj final në orën 19:00 në pallatin "Asllan Rusi", nën mbështeten e qindra simpatizantëve të cilat kanë mbushur pallatin e sportit Asllan Rusi.

Ndërkohë edhe Partia Demokratike së bashku me Lëvizjen Socialiste për Integrim sapo kanë filluar mitingun përmbyllës në orën 19 e 30 në sheshin “Nënë Tereza.

Partitë e tjera më të vogla i kanë mbyllur mitingjet e tyre, paraditen e sotme.
Të shtunën do të ketë heshtje elektorale ku nuk do të transmetohet asnjë spot publicitar për kandidatët si dhe partitë politike nuk do të zhvillojnë asnjë aktivitet elektoral. /albeu.com/