Kandidati për kryebashkiak në Tiranë, Lulzim Basha, përdor edhe mundësinë e fundit për fushatën elektorale, komunikon me zgjedhësit në Facebook. Sot para se te mbyllet fushata zgjedhore Lulzim Basha ka komunikuar me fansat e tij në faqen zyrtare në Facebook.

Në komunikimin e fundit në këtë rrjet social, ku ka arritur në 279,340 fansa, për më shumë se një orë, kandidati për kryebashkiak u është përgjigjur pyetjeve lidhur me taksat, çmimet, politikat zhvillimore të Tiranës, strehimin, transportin publik etj.

Përveçse në takimet në çdo cep të Tiranës, në universitete apo në garat e tyre sportive, Basha ka qenë i pranishëm edhe në festat e organizuara nga të rinjtë, siç ishte edhe ajo e një nate më parë.

Të rinjtë zënë një vend të veçantë në projektin e Lulzim Bashës për arsimin, punësimin dhe strehimin e tyre. /albeu.com/