20 plumba ndaj simpatizantëve të PD-së
Edhe në ditën e heshtjes zgjedhore nuk kanë munguar incidentet elektorale.
Tre persona, janë qëlluar me rreth 20 plumba, gjatë orëve të para të mëngjesit të së shtunës në një lokal në Farkë të Tiranës.

Sipas policisë, lokali ku është qëlluar me armë është “në pronësi të simpatizantit të subjektit Partia Demokratike”.

Policia e Tiranës sqaron se ngjarja ndodhi rreth orës 02:30, në ambientet e lokalit të “Gjolës”, në Komunën Farkë e Vogël Tiranë, në pronësi të Xhemal Plakut.

Personat ndaj të cilëve është qëlluar janë: Leonard Plaku, 34 vjeç, Ledion Bali, 26 vjeç, Festim Plaku, 31 vjeç, të tre banues në Farkë të Vogël, Tiranë.

Sipas dëshmive të para, ka qenë vetëm një person që ka gjuajtur me armë automatike, në ambientet e jashtme të lokalit, ku ishin dhe tre personat.
Policia nisi menjëherë hetimin dhe shoqëroi në Komisariatin Nr.1 shtatë persona. /albeu.com/
Shtuar më 07/05/2011, ora 12:58

Shkruani komentin tuaj!
Të fundit nga kjo kategori