“99% e njerëzve e pinë ujin në mënyrë të gabuar”, ja çfarë sugjeron nutricionisti

“99 % e njerëzve e konsumojnë ujin gabimisht sa mund të shkaktojë pasoja rënda, ndërsa75 % edhe pse pinë ujë, përsëri janë të dehidratuar”, ky ishte një nga publikimet e fundit të nutricionistit Altin Joka.

Nutricionisti foli sot në emisionin “Good Morning Albanians”, rreth këtij publikimi, si dhe për të dhënë disa këshilla se si mund të pimë ujë në mënyrën e duhur

“Pse 75% e njerëzve janë të dehidratuar edhe pasi pinë ujë? E para e pinë jashtë temperaturës së tij, e dyta është koha në të cilën pihet. E treta është sasia që pihet dhe e katërta është mënyra se si ata e pinë”, tha nutricionisti.

Ai ka dhënë gjithashtu disa këshilla për në mënyrë që pas konsumit të ujit të mos vazhdojmë të jemi të dehidratuar.

“Pijeni ujin ulur dhe merri kohën tuaj për ta bërë këtë gjë, jo në këmbë. Mos pini ujë gjatë ngrënies së ushqyerjes. Ai shton se gabohet edhe në temperaturën e konsumimit të ujit, duhet pirë 14-18 gradë, sepse ju ndihmon që të konsumoni më shumë në sasi ndërsa uji i ftohtë dëmton mushkërinë dhe ngushton arteriet”, tha ai.