Presidenti i zgjedhur i Shteteve të Bashkuara, Donald Trump ka mbajtur mbrëmjen e së mërkurës konferencën e parë për shtyp që prej korrikut.

Trump përdori konferencën e tij të parë për shtyp për të shpërthyer në akuza kundër mediave dhe zyrtarëve të inteligjencës amerikane si dhe për të mohuar lidhjet e përfolura mes tij dhe Rusisë, si dhe ekzistencën e një materiali kompromentues ndaj tij nga shërbimet sekrete ruse.

Ndërkohë, gjatë seancës së pyetje-përgjigjeve, Trump ka refuzuar t’i japë fjalën korrespondentit të CNN, duke iu drejtuar “Organizata juaj e lajmeve është e tmerrshme, ju jepni lajme të rreme!”

Ndërkohë që gazetari ka kërkuar të marrë fjalën sërish, Trump i ka kërkuar të mos tregohet i pasjellshëm dhe të mos i ndërpresë fjalën kolegëve. /albeu.com/