Pas tre muajsh mbyllje për shkak të COVID-19, sot transporti publik qytetas dhe ndërqytetas ka rinisur punë.
Pavarësisht njoftimit për rinisjen e punës, shoqatat e transportit janë të dyjëzuara, ku në disa qytete nga sot nis puna, ndërsa në kryeqytet është njoftuar vijimi i bllokimit.
Kjo pasi zbatimi i protokollit të sigurisë dhe funksionimi me 70% të kapacitetit ka bërë që shoqatat të njoftojnë se nuk do të rifillojnë punën, për shkak se pretendojnë se ndodhen në vështirësi.
Nga ana e saj, ministrja e Infrastrukturës, Belinda Balluku reagoi duke thënë se qeveria po mendon paketë tjetër mbështetëse për ringritjen pas goditjes nga pandemia, duke bërë thirrje për rinisjen e punës.
Protokolli i sigurisë për transportin publik
-Numri i udhëtarëve do të lejohet me kapacitet 70%.
– Ulja e udhëtarëve do të jetë në mënyrë diagonale.
-Drejtuesi i mjetit duhet të ketë maskë mbrojtëse dhe doreza.
-Udhëtarët detyrimisht me maska dhe doreza.
-Hipja dhe zbritja do të bëhet në dyer të ndryshme.
-Nëse udhëtari shfaq shenja të Covid-19, shoferi do duhet të njoftojë 127.
-Duhen dezinfektuar makinat.
-Gjatë udhëtimit duhet ajrosur makina.
-Në terminal duhet zbatuar distancimi.
– Terminali të dizinfektohet.
– Në mjete të vendosen postera kundër përhapjes covid-19.
– Të respektohen masat e higjienës.
-Masat e parashikuara do të kontrollohen nga kompetencat përkatëse.