Rama mesazh maturantëve: Partia e leku s'kanë fuqi mbi fatin tuaj! (VIDEO)
Kryeministri Rama e ka nisur ditën me një fokus për te gjithë maturantët e përfshirë në garën e regjistrimit në universitete. Me anë të një postimi në profilin e tij në Facebook, Rama teksa vlerëson procesin reformues të pranimeve në universitete, duke e cilësuar ndryshim epokal, fton maturantët të ndjekin me vëmendje zhvillimet e raundit të dytë.

"Të dashur maturantë, sistemi i regjistrimeve në universitete është, për herë të parë pas 25 vjetësh, i gjithi në duart tuaja! Konkurenca dhe merita, janë më në fund dhe në transparencë të plotë përpara syve tuaj!

Urime e suksese të gjithëve ndër ju që tanimë e kanë bërë zgjedhjen e tyre dhe janë regjistruar, ndërkohë që të tjerët mund të ndjekin në kohë reale zhvillimet për çdo degë, për të përmbushur synimin e tyre.

Deri dje të gjitha këto zhvillime ndodhnin larg syve dhe kontrollit tuaj, në errësirë të plotë, në dëm të konkurencës e të meritës.

Sot ju jeni dëshmitarët e parë të një ndryshimi epokal. Miku, fisi, partia, leku apo shansi qorr, nuk kanë më asnjë fuqi mbi fatin tuaj në këtë proces. Atë e keni në dorë ju!

Me vemendje e durim, ndiqni zhvillimet e raundit te dyte. Mbarësi e suksese!", përfundon reagimin ai në rrjetin social. /albeu.com/


Shtuar më 11/10/2016, ora 09:35

Shkruani komentin tuaj!
Të fundit nga kjo kategori