Rama fshin Blendi Klosin! Çfarë po ndodh? (VIDEO)
Kanë kaluar vetëm dy ditë nga publikimi i videos, por ritmi i shpërndarjes së saj është për t’u admiruar.

Bëhet fjalë për një video të realizuar nga aktori Florjan Binaj ku i "kundër përgjigjet" filmit "Taken" me aktor Liam Nesson.

Në këtë film shqiptarët paraqiten si njerez të frikshëm që merren me vrasje, prostitucion dhe drogë. Ndërsa spoti i përgatitur ka si qëllim të promovojë turizmin e Shqipërisë dhe të ftojë vetë aktorin e famshëm ta vizitojë vendin tonë.

Videoja zyrtare, ku Klosi vërehet në sekondin e 27 të videos



“Në kulturën e përgjithshme, Shqipëria ka qenë etiketuar si një strehë për bandat, kriminelët dhe gansterët. Ndërkohë që e kuptojmë se përceptimi i marrë nga filmat e mirë si Taken (2008), kjo është tërësisht e pavërtetë. Në realitet, Shqipëria është nje vend i bukur dhe tepër i sigurtë për t’u vizituar dhe jetuar,” shkruhet në përshkrimin e videos.

Në video dalin personalitete të fushave të ndryshme të Shqipërisë, të cilët tregojnë bukuritë shqiptare që nuk duhen lënë pa vizituar apo pa provuar, mes tyre dhe Ministri i Turizmit dhe Mjedisit Z. Blendi Klosi.

Këtë video e ka shpërndarë edhe Kryeminsitri Rama në profilin e tij të Facebook por në videon e kryeministrit ka një problem.

Bëhet fjalë pikërisht për ministrine tij Blendi Klosi, i cili është prerë nga videoja.

Ashtu siç mund të shihet nga videot krahasuese të mësipërme, ministri i i Turizmit dhe Mjedisit Z. Blendi Klosi nuk është në spotin e shpërndarë nga Rama.

Videoja e publikuar nga Rama ku Klosi nuk duket gjëkundi


Arsyet e kësaj fshirjeje nuk dihen por mesa duket afati i z.Klosi po i vjen fundi. Kujtojmë se në fund të dhjetorit kur Rama shakarkoi 7 ministrat e tij bëri një paralajmërim edhe per Blendi Klosin, duke i thënë se afati i tij është deri në qershor të këtij vit.

Ndërsa së fundmi burimet kanë bërë me dije se kryeministri Rama ua ka ndaluar ministrave të tij daljet në media. /albeu.com/



Shtuar më 25/02/2019, ora 15:11
Tage: rama klosi

Shkruani komentin tuaj!
Të fundit nga kjo kategori