"Qameti" në Tiranë, në 20 minuta ra shiu që bie për një muaj (VIDEO)
Mjaftuan pak minuta shi dhe breshër që t'i kthenin rrugët e Tiranës në mini lumenj të vegjël duke na rikujtuar problematikat e mëdha me infrastrukturën.

Megjithatë, duket se shiu i sotëm ka qenë i pazakont sipas sinoptikanëve pasi sasia ishte jashtë çdo parashikimi.

Tanja Porja e Meteoalb bën me dije se përgjatë 20 minutave në kryeqytet kanë rënë 62.6 milimetra shi, një sasi kjo thuajse e njejtë me sasinë mesatare të shiut që bie gjatë një muaji në kryeqytet.

Megjithatë, në rrgët dhe sheshet e Tiranës janë investuar miliona euro këto kohët e fundit, gjë që e bën të pajustifikueshme përmbytjen e tyre.

Flagrante ishte përmbytja në sheshin Skëndërbej, i cili në një pjesë të mirë të tij u pushtua nga uji.

Postimi i Tanja Porjes

Mini-stuhi tropikale në Tiranë: 60 minuta kanë mjaftuar për të regjistruar 62.6 mm shi, sasi e cila është sa norma e reshjeve mujore për qytetin e Tiranës (norma mujore 63 mm).

Intensiteti maksimal i reshjeve është vrojtuar në intervalin 14:30 – 14:50, kohë gjatë së cilës është vrojtuar maksimumi i aktivitetit dinamik të atmosferës duke diktuar lëvizje të fuqishme vertikale të ajrit dhe për pasojë stuhi breshëri me diametër nga 1.5 në 3 cm.

Po ashtu, ka patur një thyerje të thellë prej 10.2°C, të fushës termike ku në vetëm 1h, temperaturat janë ulur nga 28.9°C në 18.7°C.

Shtuar më 22/06/2018, ora 18:05
Tage: shiu tirane
Shkruani komentin tuaj!
Të fundit nga kjo kategori