Këngëtarja e njohur, Bebe Rexha ka dhënë këtë të premte, intervistën e saj të parë në Shqipëri, në emisionin e Eraldo Rexhos, “Lart e Poshtë” me gazetarin Andi Vrapi.

Në një bisedë interesante në makinë rrugës për në aeroport, ajo ka rrëfyer mjaft detaje nga jeta e saj private dhe karriera.


E pyetur nga Andi lidhur me faktin nëse në albumin e saj të ri do të ketë bashkëpuntorë shqiptarë, Bebe ka rrëfyer një detaj mjaft interesant.

“Dua shumë të bëj një këngë me Ritën, Duan dhe Ava Max. E ke parasysh, të gjitha vajza, fuqia e vajzave. Por ndonjëherë është e vështirë sepse çdokush ka planet dhe axhendën e vet!”- u shpreh ajo.

E pyetur nga gazetari nëse ky është një paralajmërim, ajo tregon:

“Unë jam veç një telefonatë larg…”.