Përplasje politike për aksionin policor në Krushopek (VIDEO)
Bojan Mariçiq i LSDM-së dhe Stefan Andonovski i VMRO-DPMNE-së në emisionin “Rruga Drejtë” u përplasën për Prokurorinë, shkarkimin e Mizrahit dhe aksionin e fundit në Krushopek.

Mariçiq akuzoi se ministri teknik i VMRO-DPMNE-së për pikë politike ka rrezikuar aksion policor i përgatitur një vit, vetëm me qëllim që të tregojë se lufton kundër krimit dhe korrupsionit.

Në garë për të mbështetur atë pamje të trishtë, u vu në rrezik një aksion serioz për luftën kundër narkotikëve në një kanal ndërkombëtar në bashkëpunim dhe në veprim të punuar për më shumë se një vit kur Spasovski ishte ministër i brendshëm. Ju nuk mund të distancoheni nga Ilija Dimovski sa të doni, por ai është deputet i VMRO-DPMNE-së, dhe mund të jetë përsëri. Pamja është e trishtë për të kërkuar pikë të vogla politike që rrezikojnë aksionet policore- deklaroi Ton Bojan Maraçiq, LSDM.

Sipas VMRO-së, në një periudhë të shkurtër që kur me ministrinë udhëheq teknikisht Naqe Çulev, ka pasur aksion për luftë kundër drogës dhe krimit. Stefan Andonovski nga VMRO-DPMNE sqaroi se pasi janë marrë informacione se bëhet fjalë për një kanal ndërkombëtar, ka filluar aksioni.

Informacionet që dolën nga MPB duhet t’i ndjekim nëpër statusin e Facebook-ut të ministrit, që është bartësi i vetëm përgjegjës në ministri. Shifra të këtilla prej tij nuk dëgjuam. Ajo që deputetët apo qytetarë tjerë kanë publikuar, është përgjegjësi e mediave dhe qytetarëve, ai duhet t’i kundërvihet tendencës së krimeve që ndodhin ndërsa deri më tani në 3 vitet e fundit nuk ka epilog”- tha Andonovski.

Mariçiq dhe Andonovski u përplasën edhe për gjyqësorin dhe Ligjin e prokurorisë publike. Sipas të parit, gjyqësori në një pjesë ende është bastion i VMRO DPMNE dhe për këtë nuk ka epilogë gjyqësor ndërsa sipas të dytit, LSDM në mënyrë klandestine e ka miratuar ligjin.

Lidhur me dokumentet e udhëtimit, të dytë e hidhnin fajin, por nuk ofruan zgjidhje.
Shtuar më 20/02/2020, ora 20:43

Shkruani komentin tuaj!
Të fundit nga kjo kategori