Noizy publikon klipin e ri, i xhiruar në majë të stadiumit Air Albania (VIDEO)
Në këtë "lum" këngësh dhe bashkëpunimesh verore, Noizy patjetër që do të ishte pjesë.

Reperi ka publikuar pak më parë klipin e tij më të ri "All dem talk", me Gzuz nga Gjermania dhe Dutchavelli nga Londra.

Në vetëm pak orë pas publikimit në YouTube, kënga ka marrë mbi 600 mijë klikime ndërsa suksesi pritet të jetë ndërkombëtar.

Noizy shprehet i bindur se do të kryesojë në shumë vende europiane me këngën e fundit! Klipi është xhiruar edhe në Tiranë, ku Noizy është reperi i parë që xhiron një klip në stadiumin “Air Albania”.


Ai është ngjitur në kullën e stadiumit, ndërsa jep një pamje mjaft tërheqëse të kryeqytetit.

Po ky nuk është projekti i vetëm i Noizy-t, pasi pak orë më parë u publikua në platformat online edhe albumi i reperit italian Gue Pequeno “Mr. Fini”, ku reperi shqiptar është pjesë e tij me këngën “No security”.

Shtuar më 26/06/2020, ora 12:34

Shkruani komentin tuaj!
Të fundit nga kjo kategori