Më mori rrobat dhe doli me pistoletë! Loredana përgjigjet ndaj shoqes (VIDEO)
Loredana është pyetur edhe në lidhje me pretendimet e një fotografeje sipas të cilës reperja i kishte marrë rrobat dhe i kishte dalë me pistoletë në çantë, ndërkohë që vëllai i kishte përvetësuar të dhënat e kartës së kreditit.

"Ku ishte deri më tani ajo vajzë", i kthehet pyetjes me pyetje Loredana, ndërkohë që më pas ndërhyri edhe bashkëshorti i saj Mozzik duke thënë se po flasin për çështje serioze dhe jo pretendime të gjithkujt.

Sipas medias zvicerjane, fillimisht ajo thotë se janë njohur me Loredanën gjatë një klipi të Ylli Limanit, ku ajo e ftoi të bashkëpunonin.

"Fillimisht ishte e ngrohtë dhe e afërt", shpjegon Dorentina, fotografja që i referohet media zvicerjane, përcjell Albeu.com.

"Pas një dite të tërë fotografish, ishim të lodhura dhe shkuam të flinim tek apartamenti i vëllait të Loredanës. Aty fjeta dhe më pas zbulova çfarë kishte ndodhur", vijon ajo.

Për vjedhjen e të dhënave të kartës së Dorentinës për njërin prej vëllezërvë të Loredanës, të cilit gazeta ia fsheh emrin dhe e quan Qendrim, ka vendim gjykatë duke u dënuar me 560 franga gjithsej.

Me kartën e Dorentinës, vëllai i Loredanës kishte luajtur kumar dhe kishte blerë një biletë avioni Zvicër-Kosovë.

Kur Dorentina është kthyer në vendin e banimit kuptoi se karta i ishte bllokuar nga banka për shkak të luajtjes në llotari.

"Më pas shkova të përballesha me të, por ajo kishte një pistoletë në çantë dhe më tha se më parë duhej të isha dikush që të punoja me të. U tremba shumë", tregon Dorentina* sipas "20min.ch". /albeu.com/

Shtuar më 10/05/2019, ora 14:43
Shkruani komentin tuaj!
Të fundit nga kjo kategori