E FUNDIT/ Sherr me armë në Bulqizë, 1 i plagosur
"Më thanë mos trego" , ushtaraku rrëfehet pas 36 vitesh për incidentin e UFO-ve në bazën e NATO-s
Për 36 vjet, Steve Longero e ka mbajtur të fshehtë atë që pa në pyllin “Rendlesham” në Suffolk të Anglisë, për tre netë: Nga data 26 deri më 28 dhjetor 1980. Teksa ishte në shërbim ushtarak, ai thotë se pa drita të çuditshme në pyll, pezull me dy bazat ajrore të NATO-s, që ishin në gatishmëri të lartë, pasi Lufta e Ftohtë ishte në kulmin e saj. Steve ishte duke ruajtur magazinën e armëve kur alarmet u fikën.

“Teksa isha në detyrë atë natë, ne kishim një sistem shumë të sofistikuar alarmi dhe gjithçka u fik papritur”, thotë ai.

“Dhe atëherë. Unë munda të shihja ato drita mbi kurorat e pemëve, dhe po mendoja: çfarë po ndodh? Më pas ata dërguan njerëz atje dhe në fillim ishte e vështirë për t’u besuar, gjithë ato drita të ndritshme”. Në pyll, Steve u rrethua nga personel tjetër ushtarak. Ai kujton se UFO-t dukeshin si “drita fluoreshente me ngjyra, si e kuqe dhe jeshile”.

“Dukeshin sikur fluturonin mbi kurorat e pemëve si një sy që ndiqte pothuajse gjithçka”, citohet ai nga “Outer Limits Magazine”, në një artikull publikuar së fundmi. Steve u pyet lidhur me ngjarjen pak ditë pasi pa UFO-t dhe u urdhërua që të mos fliste për atë që pa, pasi në bazë kishte armë bërthamore./Albeu.com/
Shtuar më 13/12/2016, ora 20:17
Shkruani komentin tuaj!
Të fundit nga kjo kategori