Kryetari i Butelit: Kryqi do ndërtohet, askush s'ka të drejtë ta pengojë (VIDEO)
Banorë të Butelit, të udhëhequr nga kryetari i Komunës Petre Llatinovski si dhe anëtarë të VMRO-DPMNE-së, sot mbajtën protestë para Ministrisë së Punëve të Brendshme, ku kërkuan dorëheqjen e ministrit Oliver Spasovski.

Kryetari i Komunës së Butelit u shpreh para protestuesve se, shpreson se ky zë i tyre do të arrijë aty ku duhet dhe se beson në institucionet.

"Shpresoj se ky zë do të arrijë aty ku duhet, besoj shumë në institucionet, besoj në Ministrinë e Punëve të Brendshme. Deri tani të gjithë të punësuarit në këtë institucion dëshmuan se janë profesionist dhe kanë ditur sesi ta kryejnë punën dhe ti mbrojnë qytetarët", ka deklaruar Llatinovski.

Ai shtoi se askush nuk ka të drejtë të anulojë vendimin për vendosjen e kryqit.

Në pyetjen e gazetarëve se pse, insiston për ndërtimin e një objekti fetar në kohën kur komuna e Butelit ka shumë qytetarë të papunsuar ka theksuar se komuna e tij nuk do të ndaj asnjë denar për ndërtimin e këti objekti fetar.

"Komuna e Butelit nuk ka ndarë asnjë denarë për ndërtimin e këti objekti fetar. Kjo është nisme e Kongresit Botëror Maqedonas i cili gjithashtu është investues. Ne përmes projekteve kemi dëshmuar se komuna e Butelit është vend i qetë për jetesë", ka deklaruar Llatinovski. /albeu.com/


Shtuar më 09/03/2016, ora 16:20
Shkruani komentin tuaj!
Të fundit nga kjo kategori