Francë- Polici që qëlloi Nahelin mëngjesin e së martës i ka kërkuar falje familjes së tij teksa ishte në paraburgim.
Avokati i tij Laurent-Franck Liénard tha se ai ishte “i shkatërruar”.
“Fjalët e para që shqiptoi ishin për t’i kërkuar falje familjes”.
Ai tha gjithashtu se oficeri, i cili është akuzuar për vrasje vullnetare, ishte “i tronditur nga dhuna e kësaj video”.
Sakaq, që prej vrasjes së 17-vjeçarit në Francë kanë shpërthyer protestat.
Zyra e ministrit të Brendshëm tha sot se të paktën 421 persona janë arrestuar në të gjithë vendin.
Shumica e të arrestuarve ishin nga 14 deri në 18 vjeç./Albeu.com/
