Një stuhi breshëri gjatë të dielës që sapo lamë pas përveç se ka shkatërruar bimësinë ka shkaktuar edhe habi tek banorës e Guadalajaras në Meksikë.

Sasi të mëdha breshëri ranë në pak orë duke kapur lartësi në disa raste edhe 1 metër, gjë e cila nuk mbahej mend të kishte ndodhur më parë.

"Jetoj këtu që prej 40 vitesh dhe nuk mbaj mend diçka të tillë", është shprehur Alfredo Herrera për mediat lokale.

Banorët e quajnë këtë një ngjarje apokaliptike, ndërsa meteorologët janë duke kërkuar shkaqet që çuan në akumulimin e kësaj sasie të madhe breshëri. /albeu.com/