I dha policit 2 000 lekë, e pëson keq "bosi" më fuoristradë (VIDEO)
Policia Rrugore e Tiranës ka arrestuar sot shoferin e një fuoristrade luksoze teksa tentoi që t'i japë policit rrugor 2 000 lekë për ta lejuar që të vazhdonte rrugën ndërkohë që nuk kishte paguar gjobat.

54 vjeçari u ndalua në Laprakë pasi policia konstatoi se kishte xhama të zinj dhe gjooba të papaguara. Në momentin e ndalimit ai i ofroi policit 2 000 lekë në formë rryshfeti duke mos ditur që po filmohej.

Njoftimi i policisë
Gjatë dy javëve të fundit, Policia Rrugore e Tiranës ka arrestuar 8 drejtues mjetesh per mitëdhënie.

Rasti i fundit eshte konstatuar në rrugën "Dritan Hoxha", pasi drejtuesi i mjetit me iniciale Sh. X., 54 vjeç, gjatë kontrollit policor, me qëllim shmangien e penalizmit për shkeljet e verifikuara nga efektivet e Policisë Rrugore, i ka ofruar agjentit verifikues një shumë lekësh.

Në këto kushte, efektivët e Policisë Rrugore, kanë bërë arrestimin në flagrancë të drejtuesit të mjetit, për veprën penale “Korrupsioni aktiv ndaj personave që ushtrojnë funksione publike".

Policia Rrugore e Tiranës, është tërësisht e angazhuar për te rritur parametrat e sigurisë rrugore, si dhe për ndëshkuar çdo shkelje e paligjshmeri të parashikuar në Kodin Rrugor Shqiptar dhe aktet e tjera ligjore, duke bashkëpunuar ngushtësisht me qytetarët, të cilët janë dhe aleati më i çmuar i Policisë së Shtetit.

"112" , ndihma dhe siguria juaj!
Shtuar më 03/08/2019, ora 12:01
Shkruani komentin tuaj!
Të fundit nga kjo kategori