Emocionuese! Parisi duartroket 4 përfaqësuesit e besimeve fetare shqiptare (VIDEO)
Në marshimin e madh të solidaritetit botëror kundër terrorizmit dhe intolerancës fetare, Shqipëria është shembulli unikal i harmonisë fetare, një element identifikues ky për vendin tonë i vlerësuar edhe nga Ati i Shenjtë, Papa Francesco.

Në Parisin e tronditur nga sulmet terroriste të ditëve të fundit, toleranca jonë fetare e konkretizuar me praninë e 4 krerëve shqiptarë të besimeve fetare, është vlerësuar me duartrokitjet e qindra mijëra njerëzve që marshuan në sheshin "Republica".

Baba Mondi i komunitetit Bektashi, myftiu i Tiranës Ylli Gurra, përfaqësues të besimit katolik dhe ortodoksë, të katërt përkrah njëri-tjetrit janë bërë dëshmi të bashkëjetëses të komuniteteve të ndryshme fetare në vendin tonë.

Përfaqësuesit e besimeve fetare shoqëruan në Paris kryeministrin Edi Rama, ministrat Bushati e Veliaj, dhe një grup gazetarësh të cilët iu bashkuan kauzës kundër terrorizmit dhe lirisë së shprehjes. /albeu.com/
Shtuar më 11/01/2015, ora 16:37

Shkruani komentin tuaj!
Të fundit nga kjo kategori