Dy gazetarë vriten teksa po transmetonin live në Facebook (VIDEO)
Dy gazetarë domenikanë janë vrarë teksa po transmetonin live në Facebook.

Ngjarja u regjistrua në qendër të kryeqytetit Santa Domingo të Republikës Domenikane të martën e 14 shkurtit.

Producenti i radios dhe prezantuesi u qëlluan për vdekje në stacionin e radios 103.5FM në qendrën tregtare San Pedro de Macoris. “Milenio Caliente” quhej programi që ata kishin dhe njihej për mbulimin e çështjeve sociale dhe politike.

Të shtënat ndodhën në mes të ditës kur Luis Manuel Medina ishte duke transmetuar lajmet në direkt në Facebook.

Një grua që ndodhej në vendngjarje u plagos nga të shtënat. Disa të shtëna janë dëgjuar në video kur gruaja bërtiste “Vrasës! Vrasës! Vrasës!” dhe më pas pamjet u shkëputën. Producenti Leo Martinez ishte në zyrën ngjitur me radion dhe u qëllua për vdekje.

Ndërkohë për ngjarjen janë arrestuar tre të dyshuar, por nuk janë ngrituar akoma akuza për motivin e sulmit. /albeu.com/
Shtuar më 15/02/2017, ora 16:48

Shkruani komentin tuaj!
Të fundit nga kjo kategori