Gjendet pa shenja jete një ukrainase në Durrës

Mbrëmjen e sotme një shtetase ukrainase është gjetur pa shenja jete, në banesën e saj në Durrës.

Policia bën me dije se nga këqyrja paraprake, dyshohet se 46-vjeçarja e ka humbur jetën nga shkaqe natyrale.

Megjithatë, hetimet kanë nisur.

Njoftimi i policisë:

Durrës/Informacion paraprak

Më datë 10.02.2023, në lagjen nr. 13, Durrës, është gjetur në banesë, pa shenja jete dhe pa shenja dhune, shtetasja ukrainase N. Y., 46 vjeçe.

Paraprakisht dyshohet se 46-vjeçarja e ka humbur jetën nga shkaqe natyrale.

Grupi hetimor vijon punën për sqarimin e plotë të rrethanave të ngjarjes./albeu.com


Shtuar 10.02.2023 18:03