Ky duhet të jetë fiks rasti kur dardha bie nën dardhë. Me një video në llogarinë e saj, Soni Malaj na zbuloi zërin e ëmbël dhe melodioz të vajzës së saj, Ana.

E vogla e këngëtares duket se mësimet më të mira të muzikës i ka marrë nga mami dhe kjo vihet re nga mënyra se si ajo interpreton.

“Zëri i Anës”, ka shkruar Soni krah videos duke mos fshehur krenarinë e një talenti të tillë.

Ne nuk e dimë nëse Malaj do e mbështesë Anën në rrugën e muzikës, apo do të preferojë një tjetër profesion për të, por me siguri zgjedhja që dy shoqet do të bëjën së bashku do të jetë ajo më e mira.

Me këtë talent të Anës nuk do të ishte çudi që Soni ta mendonte një bashkëpunim me vajzën në të ardhmen.