Operatori japonez i telekomunikimit “Softbank” paralajmëroi telefonin e tij të ri të mençur i cili do të matë radioaktivitetin. Drejtori kryesor i kompanisë, Masayoshi Son, tha se bëhet fjalë për telefonin e parë në botë të këtij lloji dhe se kemi të bëjmë me përgjigjen në kërkesën e një klienti japonez.

Celulari me një shtypje të thjeshtë në butonin e caktuar do ta masë radioaktivitetin në ajër dhe në tokë. Ky telefon i mençur do të gjendet në shitje në fund të korrikut, njofton “Softbank”.

Pas tërmetit dhe cunamit në mars të vitit të kaluar, të cilat shkaktuan avari në elektranat nukleare në Fukushima, në Japoni janë paraqitur numri i madh i pajisjeve të lira për matjen e radioaktivitetit për shkak të frikës që mbizotëroi te banorët për përhapjen e elementeve radioaktive në rrethinën në të cilën jetojnë.