Periudha pas rifillimit të futbollit po tregon një formë shumë të mirë te Dortmund, të cilët me fitoren 0:2 kundër Wolfsburg regjistrojnë fitoren e dytë radhazi.
Dortmund arritën të gjejnë golin kundër Wolfsburg qysh në minutën e 32’, me anë të Raphael Guerreiro, i cili tashmë numëron 3 gola në dy ndeshje.
Mysafirët pritën deri në pjesën e dytë për të shënuar edhe golin e dytë dhe atë vendimtar.
Në skenë u shfaq i huazuari nga Real Madrid, Achraf Hakimi, i cili shënoi në minutën e 78’.
Dy minuta më vonë, Wolfsburg mbeti me 10 lotjarë në fushë, pasi Felix Klaus u ndëshkua me karton të kuq.
Me këtë fitore, Dortmund numëron 57 pikë për pozitën e dytë, një pikë më pak se Bayern, kurse Wolfsburg mbetet me 29 pikë në pozitën e gjashtë.
