Afro një mijë raste aktive me Covid-19, a do të ketë masa të reja?

Numri i rasteve të reja me koronavirus po shkon duke u rritur, çka institucionet përgjegjëse nuk e kanë përjashtuar mundësinë e marrjes së masave të reja.

Aktualisht në Kosovë janë 997 raste me COVID, ku vetëm dje 144 qytetarë rezultuan pozitiv në testin për virus.

Duke parë rritjen e rasteve, kryeministri Albin Kurti dhe ministri i Shëndetësisë Rifat Latifi, gjatë vizitës në qendrën e vaksinimit në Fushë Kosovë, dy ditë më parë, u bënë thirrje qytetarëve për të marrë dy dozat e para të vaksinës pa vonesë.

Komiteti për imunizim të popullatës me vaksinën kundër COVID-19 kishte marrë vendim që ng data 09.12.2021 të fillohet me administrimin e dozës përforcuese dhe dozës së tretë të vaksinës kundër COVID-19 në popullatë.

Po ashtu, MSh-ja ka njoftuar se dozën përforcuese dhe dozën e tretë mund ta marrin të gjithë qytetarët e moshës mbi 18 vjeçare sipas intervaleve kohore për dozat e lartë cekura.

Në Kosovë, të drejtë vaksinimi kanë të gjithë personat mbi 12 vjeç.


Shtuar 8.01.2022 08:52