LG lançon smartfonin e parë me sistemin operativ Firefox. Fireweb, pajisja me ekran 4 inç operon me sistemin e zhvilluar nga Mozilla. Ai do të vijë fillimisht në Brazil me kontratë.

Shitjet përmes kompanisë telefonike Telefónica në Brazil kanë filluar, ku, përkrah LG Fireweb, ofrohet edhe Alcatel One Touch Fire Firefox OS, shprehet Mozilla në një postim në blog. Telefónica do t’i sjellë këto telefonë shumë shpejt edhe në Meksikë, Peru dhe Urguaj, shkruan pcworld.al


LG Fireweb do të jetë një telefon i thjeshtë, për përdoruesit që nuk kërkojnë të bëjnë shumë gjëra të komplikuara me të dhe të mos shpenzojnë shumë para. Ai ka ekran me prekje HVGA TFT, procesor 3G Qualcomm 1GHz dhe 2 GB kujtesë, çka kufizon numrin e aplikacioneve që mund të shkarkojë një përdorues në smartfonin e vet. Kamera është 5MP, ka një blic LED dhe rezolucioni i ekranit është 480 x 320. /albeu.com/