Udhëheqësi i opozitës ruse i burgosur Alexei Navalny, ndërsa doli para gjyqir në një burg në Moskë, ka akuzuar Vladimir Putin për përdorimin e pushtimit të Ukrainës për të mbuluar korrupsionin rus.
Në një video të publikuar nga gazeta e pavarur Dozhd, Navalny dëgjohet duke shprehur kundërshtimin e tij ndaj pushtimit të Ukrainës.
I veshur me uniformën e burgut, ai thotë se kjo do të çonte në një “një numër të madh viktimash, të ardhme të shkatërruara dhe vazhdimin e kësaj linje varfërimi të qytetarëve të Rusisë”.
“Kjo luftë midis Rusisë dhe Ukrainës u nis për të mbuluar vjedhjet nga qytetarët rusë dhe për të larguar vëmendjen e tyre nga problemet që ekzistojnë brenda vendit”, tha ai.
Lexo po ashtu
Navalny është burgosur për më shumë se një vit me akuza të vjetra mashtrimi, pasi i mbijetoi një sulmi me helm, për të cilin ai dhe Perëndimi thonë se ishte kryer nga Kremlini.
Ai po gjykohet brenda burgut të sigurisë së lartë me akuza të reja që mund të bëjnë që burgimi i tij të zgjatet me një dekadë./albeu.com
