Kapet për herë të parë atomi i antimateries
Pëlqej
Qendra e Kontrollit të CERN (Foto: Reuters)
Një ekip ndërkombëtar i shkencëtarëve pretendojnë se kanë kapur për herë të parë atomin e parë të antimateries. Shkencëtarët në Organizatën Evropiane për Kërkime Bërthamore (CERN) thanë se ia kanë dalë të krijojnë një atom të anti-hidrogjenit dhe pastaj e kanë bllokuar në kohë të mjaftueshme për ta studiuar në laborator.

Ata thonë se ky është një zbulim i madh në zgjidhjen e një nga mistereve më të mëdha në fizikë: pse bota jonë është e përbërë vetëm nga materia dhe jo nga antimateria.

Fizikanët modernë thonë se antimateria është krijuar në sasi të njëjtë sikur materia në momentin e Bing Bengut, i cili krijoi universin, transmeton REL .

Por, që nga ajo kohë antimateria duket se është zhdukur nga universi.

Shkencëtarët ka kohë që kanë mundur të krijojnë antimaterien, por jo edhe ta kapin atë për ta studiuar - sepse antimateria dhe materia kur të vihen në kontakt me njëra-tjetrën asgjësohen.
Shtuar më 18/11/2010, ora 15:25
Shkruani komentin tuaj!
Të fundit nga kjo kategori