Hapet plazhi i parë pas 6 javësh bllokim, mund të shkojnë fëmijët

Costa del Sol në Spanjë do të mirëpresë nga dita e sotme të gjithë prindërit që duan të çojnë fëmijët e tyre në plazh. Për herë të parë pas 6 javësh bllokim, në plazhet e kësaj zone do të lejohet të futen qytetarët.

Marbella dhe Mijas në Costa del Sol, kanë lejuar që vizitorët të shkojnë për shëtitje apo piknike të shkurtra. Policia tashmë i ka hequr shenjat e bllokimit, megjithatë këshillon që të respektohen rregullat e ditura tashmë për mbrojtjen ndaj koronavirus. Në zonat e tjera, situata është ende e paqartë dhe nuk është marrë një vendim.

Në të gjitha zonat ku janë hequr shenjat bllokuese, do të mund të futeni për të bërë shëtitje. Fëmijët nën 15 vjeç duhet të jenë të shoqëruar nga njëri prej prindërve. Ky është një lehtësim i pjesshëm i masave bllokuese, pasi larja në det nuk është ende e lejuar.

Gjithashtu, nuk do të lejohet as udhëtimi i personave nga vendet e tjera drejt këtyre zonave. Maksimumi i aktivitetit tuaj në plazh do të jetë prej 1 ore. Turizmi britanik sipas gjasave, nuk do të lejohet deri në shtator, pasi Mbretëria e Bashkuar duket larg masave të Spanjës deri më tani. Megjithatë, për pushuesit e tjerë, jemi optimist se do të mundet të shijojnë vendet tona turistike përgjatë muajit gusht.


Shtuar 26.04.2020 07:21