HTC Desire Eye, destinuar për "selfie" (FOTO LAJM)

Raporti më i fundit i ardhur nga llogaria e famshme në Twitter, @upleaks, zbulon detaje mbi telefonin e ardhshëm të kompanisë HTC, të quajtur Desire Eye. Ky telefon inteligjent thuhet se do të ketë ekran 5.2 inç me rezolucion 1080 pikselë, dhe do të fuqizohet nga procesori Snapdragon 801 me katër bërthama Krait 400 me shpejtësi 2.3GHz, dhe 2GB RAM.

Veçoria më interesante e këtij telefoni inteligjent është kamera e tij ballore, 13 megapikselë me blic LED, e duhura për të bërë selfie. Karakteristika të tjera të këtij telefoni janë edhe bateria me kapacitet 2,400 mAh, 32GB hapësirë të brendshme, sistemi operativ Android OS me ndërfaqen Sense 6 UI. Ky telefon ka marrë edhe certifikimin IPX7, që do të thotë se është rezistent ndaj ujit.

HTC do të organizojë një event më 8 tetor në Nju Jork, ku pritet të prezantojë telefonin HTC One (M8) Eye me kamera të pasme 13 megapikselë. Një aplikacion i ri për kamera, ku në qendër janë selfie-t, do të debutohet gjithashtu, dhe sipas @upleaks, ky aplikacion do të jetë në dispozicion për telefonat HTC One, One mini, One (M8), One mini 2, One (E8) dhe One Max kur të marrin përditësimin Android L.

Nuk është bërë i ditur akoma çmimi i këtij telefoni, apo se kur mund të dalë në treg. Nuk jemi të sigurt nëse telefoni Desire Eye do të prezantohet së bashkë me telefonin One Eye, por shpresojmë që ta mësojmë së shpejti. /albeu.com/
Shtuar më 07/10/2014, ora 10:34

Shkruani komentin tuaj!
Të fundit nga kjo kategori