Ditën e sotme, deputetët e Komisionit Hetimor për Inceneratorët kanë zbaritur në terren. Socialistë e demokratë kanë shkuar te inceneratori i Elbasanit ku javë më parë u zbulua një aferë e madhe korruptive që çoi pas hekurave ish-ministrin e Mjedisit, Lefter Kokën dhe në kërkim janë shpallur biznesmenët Klodian Zoto dhe Stela Gugallja.
Gjatë inspektimi të inceneratorit ka pasur debate mes socialistëve dhe demokratëve.
“A jemi edhe ne pjesë e komisionit? Tani ka ardhur PS të inspektojë inceneratorin apo çfarë? Vazhdoni me këtë arrogancë”, tha Luçiano Boçi, ndërsa Ermonela Felaj u shpreh se i pritën të vinin por ata nuk u paraqitën.
Pjesë nga debati:
Luçiano Boçi: A jemi edhe ne pjesë e komisionit?
Ermonela Felaj: Ju pritëm
Luçiano Boçi: Tani ka ardhur PS të inspektojë inceneratorin apo çfarë? Vazhdoni me këtë arrogancë.
Ermonela Felaj: Ka edhe një factor kohë dhe kjo që thua ti nuk ka kuptim.
(Ndërhyn inxhinieri)
Luçiano Boçi: Po prit e çun iher të sqarojmë pozicionet njëherë.
Ermonela Felaj: Po ne kemi një agjendë këtu dhe do ndjekim atë.
Luçiano Boçi: Duhej të vinim bashkë këtu.
Anila Denaj: Nuk kemi ardhur për debat këtu, se debatin e bëmë atje.
Luçiano Boçi: Vazhdoni bëjeni reklamën ju, hajde Lefter flasim dhe ne për ça gjëra…
