Ministri i Jashtëm i Ukrainës po bën thirrje për një armëpushim rreth termocentralit bërthamor të Çernobilit, duke paralajmëruar se rrezatimi mund të rrjedhë nëse ndërprerja e energjisë elektrike vazhdon.
Ai tha se i vetmi rrjet elektrik që furnizon centralin dhe objektet e tij bërthamore, i cili është i pushtuar nga ushtria ruse, është dëmtuar dhe kërkoi një armëpushim për të lejuar njësitë e riparimit të rivendosin energjinë.
Dmytro Kuleba tha gjithashtu në Twitter se “gjeneratorët rezervë me naftë kanë një kapacitet 48-orësh” për të furnizuar objektin.
“Pas kësaj, sistemet e ftohjes së objektit të magazinimit të karburantit bërthamor të shpenzuar do të ndalojnë, duke bërë që rrjedhjet e rrezatimit të jenë të pashmangshme”.
Megjithatë, mbikëqyrësi bërthamor i OKB-së tha se “nuk sheh asnjë ndikim kritik mbi sigurinë” mbi humbjen e energjisë në Çernobil.
Agjencia Ndërkombëtare e Energjisë Atomike (IAEA) shtoi se termocentrali ka ujë ftohës “të mjaftueshëm” për karburantin e harxhuar bërthamor.
The only electrical grid supplying the Chornobyl NPP and all its nuclear facilities occupied by Russian army is damaged. CNPP lost all electric supply. I call on the international community to urgently demand Russia to cease fire and allow repair units to restore power supply 1/2
— Dmytro Kuleba (@DmytroKuleba) March 9, 2022
