Facebook do t’i fshijë fotot e juaja deri më 7 korrik
Rrjeti social Facebook, ka kërcënuar përdoruesit se do t’i fshijë fotografitë e ngarkuara nga celularët në rrjetin social, nëse nuk e instalojnë aplikacionin e ri Moments.

Rrjeti social u ka dërguar nga një paralajmërim përdoruesve, duke iu thënë se fotografitë që janë sinkronizuar në mënyrë private nga celularët e tyre në profilet e tyre online, do të humbin.

Sipas informacioneve më të fundit mësohet se nëse përdoruesit nuk e shkarkojnë këtë aplikacion deri më 7 korrik, fotografitë do të fshihen. Ky ndryshim do t’i prekë të gjitha ato fotografi që janë ngarkuar në rrjetin social në mënyrë private, përmes veçorisë së sinkronizimit automatik.

Përdoruesit mund t’i transferojnë fotografitë e tyre duke përdorur aplikacionin Moments ose duke i shkarkuar ato. Por, kjo lëvizje nga Facebook ka ngjallur shumë kritika në mesin e përdoruesve, të cilët thonë se rrjeti social po tregon qasje detyruese. /albeu.com/
Shtuar më 14/06/2016, ora 12:36
Shkruani komentin tuaj!
Të fundit nga kjo kategori