Po afrohet fundi i këtij viti, dhe çka është më e rëndësishme për ne fillimi i vitit të ri, kur në Las-Vegas do të mbahet panairi më i madh i elektronikës, tradicionali “CES”, shkruan Zëri.

Në këtë panair novitetet e tyre do t’i ekspozojnë të gjithë prodhuesit, dhe natyrisht në mesin e tyre do të jetë edhe “Samsung”, i cili do të mund të prezantonte pajisjen e tij të re në segmentin e telefonave të mençur. Kështu tashmë kanë filluar të qarkullojnë disa thashetheme për telefonin Samsung Galaxy S IV.

Sipas këtyre thashethemeve Samsung Galaxy S IV do të duhet të përmbajë ekranin Full HD AMOLED me diagonale pesë inç me rezolucion 1920x1080 pikselë. Sipas burimeve në fjalë, ky telefon i mençur do të përmbajë 3GB memorie punuese, baterinë e kapacitetit 3.200 mAh, kamerën e parme prej 1.9 megapikselë dhe kapacitetin për të dhëna prej 16, 32, 64 dhe besoni apo jo edhe 128 GB.

Samsung Galaxy S IV pra do të duhet të prezantohet në panairin CES 2013, ndërsa në treg do të duhet të paraqitej në muajin shkurt të vitit 2013. Dhe a janë këto thashetheme të vërteta pritet të shihet në ditët në vijim.