Policia në qendër të Parisit hapi zjarr ndaj një makine që po shkonte drejt tyre, duke vrarë dy persona brenda, tha një burim policor për AFP, vetëm disa orë pasi presidenti francez Emmanuel Macron fitoi një mandat të dytë.
Automjeti po lëvizte në urën më të vjetër të Parisit, Pont Neuf, pak pas mesnate kur nuk pranoi të ndalonte në një pikë kontrolli policie. Sipas të njëjtit burim policor, teksa ka shkuar me shpejtësi drejt efektivëve, ata kanë hapur zjarr.
Dy nga pasagjerët e automjetit u vranë dhe një i tretë u plagos, tha burimi.
Një prezencë e madhe policie zbriti në vendngjarje në zemër të kryeqytetit, ku më pak se dy kilometra larg, presidenti francez Emmanuel Macron po festonte fitoren e tij ndaj rivales së ekstremit të djathtë Marine Le Pen me një turmë mbështetësish në parkun Champ de Mars.
Fitorja e tij mbylli një garë të tensionuar që e pa të djathtën ekstreme franceze të afrohej më shumë që ndonjëherë të fitonte presidencën.
Nuk është vendosur asnjë lidhje mes incidentit të urës dhe ngjarjeve të natës së zgjedhjeve./albeu.com
